जुटपानी एकेडेमीको २२औं बार्षिकोत्सव एंव अभिभावक दिवस

रत्ननगर, चैत २७ । चितवनको कालिका-१ सूर्यपुर स्थित जुटपानी एकेडेमी माध्यमिक विद्यालयले मंगलवार २२औं बार्षिकोत्सव एंव अभिभावक दिवस समारोह मनाएकोछ ।

विद्यालय व्यवस्थापन समितिका अध्यक्ष बलिभद्र कंडेलको अध्यक्षतामा भएको कार्यक्रममा जिल्ला समन्वय समिति चितवनका प्रमुख नारायण प्रसाद अधिकारी प्रमुख अतिथि रहेका थिए ।

कार्यक्रममा बोल्दै प्रमुख अतिथि अधिकारीले निजी बिद्यालयका अभिभावक आफ्ना बालबालिका प्रती उत्तरदायी भएको बताउदै उनले भने, “निजि बिद्यालयमा पढ्ने विद्यार्थीका अभिभावक आफ्ना बालबालिकाको एकदम राम्रो तरिकाले रेखदेख, सरसफाइ गर्दछन, पढाईमा परिश्रमी बनाउछन त्यसैले निजी बिद्यालयका बालबालिका शिक्षामा सधै अघि देखिन्छन ।”

प्याप्सन चितवनका अध्यक्ष मदन पुरीले विद्यार्थीलाई शिक्षासंगै व्यवहारिक ज्ञान दिन सक्नुपर्नेमा जोड दिए । अभिभावकहरुले आफ्ना बालबालिकाहरुको पढाइ र अन्य क्रियाकलापहरुका बिषयमा चासो राख्नुपर्ने र बिद्यालयका कार्यक्रमहरुमा उपस्थिति हुनुपर्ने बताए ।

शैक्षिक व्यक्तित्व डा। हरि कंडेलले प्रत्येक बर्ष अभिभावक भेला अनिवार्य देखिएको भन्दै अभिभावक एउटा ऐना भएकाले अभिभावकले आफ्ना बालबालिकाका हरेक क्रियाकलापको निगरानी गर्नुपर्ने बताए ।

कार्यक्रममा कालिका प्याप्सनका अध्यक्ष होम बहादुर थापा, समाजसेवि रेवती ढकाल, लालिगुरास टोल बिकास सस्थाका अध्यक्ष कृष्ण बहादुर घिमिरे लगाएतले मन्तव्य राखेका थिए ।

साथै, सोहि अवसरमा २०८१ सालको वार्षिक परिक्षाफलको नतिजा प्रकाशन गरिनुका साथै शिक्षक, शिक्षिका तथा विद्यार्थीहरुलाई विभिन्न बिधामा पुरस्कृत गरिएको थियो ।

विद्यालयका प्राचार्य कमल प्रसाद सापकोटाले वार्षिक प्रगति प्रतिवेदन प्रस्तुत गरेको कार्यक्रममा बिद्यालय व्यवस्थापन समितिका सदस्य रामकाजी पाण्डेले स्वागत मन्तव्य राखेका थिए । कार्यक्रम सञ्चालन बिद्यालयका शिक्षक शंकर दुवाडी गरेका थिए ।

बार्षिकोत्सव एंव अभिभावक दिवस समारोहमा जिल्ला स्तरिय लोक गायक गायीका जुना डल्लाकोटी र मिलन बाबुको बेजोड प्रस्तुती समेत रहेको थियो ।