राप्ती- १० मा निःशुल्क स्वास्थ्य परिक्षण, २८६ जनाले लिए लाभ
सारांश
- रत्ननगर, चैत ।
- चितवनको राप्ती नगरपालिका वडा नं.
- १० का स्थानियहरुको निःशुल्क स्वास्थ्य परिक्षण गरिएकोछ ।
रत्ननगर, चैत । चितवनको राप्ती नगरपालिका वडा नं. १० का स्थानियहरुको निःशुल्क स्वास्थ्य परिक्षण गरिएकोछ ।
ग्रीन सोसाईटी नेपाल रत्ननगर– ७ सौराहाको आयोजना तथा ग्रीन सोसाईटी पव्लिक स्कुल रत्ननगर– ७, राप्ती नगरपालिका वडा नं. १०, रत्ननगर प्याब्सन, जेसी आई खैरहनी पर्साको सह–आयोजना एंव शान्ति सेवा गृह काठमाण्डौं नपालको प्राविधिक सहयोगमा चौघरा कोराक स्वास्थ्य चौकीमा वृहद् निःशुल्क स्वास्थ्य परिक्षण गरिएको हो ।
बृद्धबृद्धा लगाएत अन्य उमेर समुहका १८९ र बालबालिबका ९७ जना गरि २८६ जनाको सुगर तथा प्रेसर, टिटानस भ्याक्सिन, जनरल हेल्थ, एक्सरे, दन्त रोग, फिजियो थेरापी, रक्त परिक्षण, आँखा उपचार तथा चस्म बितरण, स्त्री रोग सम्बन्धि परिक्षण गर्नुका साथै निःशुल्क औषधी, ब्रस, मञ्जन, लिटो र झुल बितरण गरिएको ग्रीन सोसाईटी नेपालका कोडिनेटर श्रीलाल परियारले जानकारी दिए ।
उक्त शिविरमा जचाउन आएकी राप्ती– १० की ६८ वर्षिया पूर्णीमाया चेपाङलाई स्वास प्रश्वासमा समस्या भएपछि अक्सिजन लगाएर उपचार गरिएको थियो ।
मुटु सुन्निएर ठूलो भएका कारण उनलाई सास फेर्न समस्या भएपछि भण्डारा बजारबाट थप अक्सिजन ल्याएर उपचार गर्न चेपाङलाई अस्पताल पठाईको परियारले जानकारी दिए ।
स्वास्थ्य सेवामा सहज पहुँच नभएका समुदाय लक्षित निःशुल्क स्वास्थ्य परीक्षण र सचेतनामूलक कार्यक्रम प्राथमिकताका साथ सञ्चालन गर्दै जाने ग्रीन सोसाईटी नेपालका सदस्य पुरुषोत्तम लामिछानेले जानकारी दिए ।
सम्बन्धित खबर
प्रतिक्रिया