मदरल्याण्डका ७ छात्रा र ५ छात्रले ल्याए ४.० जिपिए

पोखरा–७, माबारस्थित मदरल्याण्ड माध्यमिक विद्यालय ले एसइई–२०८२ मा उल्लेखनीय सफलता हासिल गरेको छ । यस वर्ष विद्यालयबाट एसइईमा सहभागी १ सय ६३ विद्यार्थीमध्ये १२ जनाले उत्कृष्ट ४.० जिपिए ल्याएका छन् ।

विद्यालयले एकपछी अर्को गर्दै लगातार तेस्रो वर्ष ४.० जिपिए ल्याउने विद्यार्थी संख्या बढाउँदै आएको छ । अघिल्लो वर्ष ११ जना र त्यसअघि १० जनाले ४.० जिपिए प्राप्त गरेका थिए ।

यसपटक ३.६ देखि ४.० जिपिए ल्याउने विद्यार्थीको संख्या १ सय २४ रहेको विद्यालयले जनाएको छ । यस्तै ३० जनाले ३.२० देखि ३.६० जिपिए प्राप्त गरेका छन् भने बाँकी ९ जनाको ३.०३ देखि ३.२० जिपिए आएको छ ।

४.० जिपिए ल्याउनेमध्ये ७ जना छात्रा र ५ जना छात्र रहेका छन् । विद्यालयले यसअघि पनि विभिन्न शैक्षिक उपलब्धि तथा उत्कृष्ट विद्यालय पुरस्कार प्राप्त गर्दै आएको छ ।