कालिकामा ७० दिने लोकसेवा तयारी कक्षा सुरु

रत्ननगर, बैशाख ३ । पूर्वी चितवनको कालिका नगरपालिकामा बुधबारदेखि लोकसेवा तयारी कक्षा सुरु भएको छ ।

लोकसेवा सारथी प्रा लि, खैरहनीको सहजीकरणमा कालिका नगरपालिकाले आयोजना गरेको उक्त कक्षाको कार्यबहाक मेयर विमला तामाङले उद्घाटन गरेकी छन् ।

७० दिने तयारी कक्षामा नगर भित्रका ३० जना सहभागी छन् । सो अबसरका कार्यक्रमकी प्रमुख अतिथि कार्यबहाक मेयर तामाङले नगर भित्रका युवाहरुलाई सरकारी सेवामा रोजगारीको अबसर र्सिजना गर्न तयारी कक्षा सुरु गरिएको बताइन् ।

निःशुल्क गर्दा बीचमै पढाई छोड्ने विगतको नियतलाई अन्त्य गर्न सहभागीहरुबाट २० प्रतिशत रकम लिएर तयारी कक्षा सुरु गरिएको उनको भनाई छ । प्रमुख प्रशाकीय अधिकृत देबराज चौलागाईले नगर भित्र शैक्षिक वेरोजगार समस्या अन्त्य गर्न लोकसेवा तयारी कक्षा सुरु गरिएको बताए ।

लोकसेवामा भनसुन चल्दैन उनले भने आफ्नो क्षमताले सरकारी सेवामा अबसर प्राप्त हुने हो । लोक सेवा सारथि प्रा।लि।का सञ्चालक महेश घिमिरेले लोकसेवा तयारी कक्षाले शैक्षिक बेरोजगार अन्त्य गर्ने भन्दै वागमती प्रदेशमा माग गरिएको पाँचौ तहको पदलाई केन्द्रीत गरी तयारी कक्षा सञ्चालन गरिने बताए ।

सामाजिक विकास समितिका संयोजक मकरमान श्रेष्ठको अध्यक्षतामा भएको उक्त कार्यक्रममा वडा नं २ का वडाध्यक्ष लक्ष्मण पौडेलले मन्तव्य राखेका थिए । महिला विकास अधिकृत सम्झना ढकालले सञ्चालन गरेको उक्त कार्यक्रममा लेखा अधिकृत ऋषिप्रसाद कडुवालले स्वागत मन्तव्य राखेका थिए ।