कमला सन्ध्या आरती सम्पन्न

सिन्धुली,माघ २३
प्रशिद्ध एवं पवित्र कमला नदीको महिमालाई बढाउने उदेश्यले सिन्धुली जिल्लाको गौतमी र कमलानदीको संगम स्थलमा कमला सन्ध्या आरती सम्पन्न गरिएको छ ।
कमलामाई मन्दीर व्यवस्थापन समिति र कमला बचाउ अभियान जनकपुरको संयुक्त आयोजनामा सम्पन्न गरिएको सो आरतीमा स्थानीय श्रद्धालु भक्तजनहरु,विभिन्न संघ सस्थाका प्रतिनिधिहरु,सरकारी तथा गैह्सरकारी निकायका व्यक्तिहरु,सचारकर्मीहरु लगाएतको सहभागिता रहेको थियो ।
आरती शुभमुहर्तका क्रममा कमला बचाउ अभियानका अभियन्ता बिक्रम यादव,कमलामाईका अभियन्ता विश्वनाथ वराल लगाएतले कमला नदीको संरक्षण गर्न सके मावन सभ्यताको रक्षा हुने बताउनु भयो ।
प्रथम पटक गौतमी र कमलानदीको संगमस्थलमा संचालन गरेको आरती आगामी दिनमा समेत निरन्तर गर्ने कमलामाई व्यवस्थापन समितिका अध्यक्ष नवराज श्रेष्ठले बताउनु भयो ।
सिन्धुली जिल्लाको चुरे पहाडको का“खमा उद्गमस्थल रहेको कमला नदी मधेश प्रदेश हुदै भारतको विहार राज्यका विभिन्न स्थानमा समेत पवित्र देवीको रुपमा पुजिदै आएकी छिन् ।