“जनताको सुझाव र प्राथमिकता नै मेरो योजना” – रानाभाट

  नेपाली कांग्रेस पोखरा महानगरपालिका वडा कार्यसमिति पोखरा १० ले प्रतिनिधि सभा निर्वाचनलाई लक्षित गरी सम्पर्क कार्यालय स्थापना गरेको छ। सम्पर्क कार्यालयको नेपाली कांग्रेसको तर्फबाट उम्मेदवार बन्नुभएका क्षेत्र नम्बर १ कास्कीका उम्मेदवार तिलकबहादुर रानाभाटले उद्घाटन गर्नुभएको थियो। सम्पर्क कार्यालय स्थापना सँगसँगै उम्मेदवारसहित कांग्रेसले सो वडामा विभिन्न क्षेत्रसँग भेटघाट गरी सुझाव संकलन गरेको छ। सो वडाको रामबजार जेष्ठ नागरिक सेवा केन्द्रमा पुगेर जेष्ठ नागरिक सँग सुझाव लिइएको छ । त्यस्तै कृष्ण मन्दिर, गौरी मार्ग, हस्पिटल चोक, स्वर्णिम टोल, अन्नपूर्ण टोल, जनप्रिय टोल र नागिन टोलका बासिन्दासँग सुझाव संकलन गरिएको छ । कार्यक्रममा बोल्दै उम्मेदवार तिलक रानाभाटले नागरिकबाट प्राप्त सुझाव नै आफ्नो प्राथमिकता र योजना बन्ने बताउनुभयो। नेपाली कांग्रेसका केन्द्रीय सदस्य समेत रहनुभएका उम्मेदवार रानाभाटले देशलाई एक्काइसौँ शताब्दीको प्रतिस्पर्धामा उत्रन सक्ने बनाउनुपर्ने आवश्यकता रहेको बताउनुभयो। त्यस्तै उम्मेदवार रानाभाट नेपाली कांग्रेस पोखरा महानगरपालिका वडा कार्यसमिति २६ को कार्यकर्ता भेटघाटमा पनि सहभागी हुनुभएको छ