कास्की प्रशासनलाई श्रम सस्कृती पार्टीको ध्यानाकर्षण

श्रम संस्कृति पार्टी कास्की जिल्ला कार्यसमितिले कास्कीका प्रमुख जिल्ला अधिकारी रुद्रा देबी शर्मा लाई ध्यानाकर्षण पत्र बुझाएको छ। आगामी फागुन २१ गते हुने निर्वाचन प्रक्रियामा अराजक गतिविधि नियन्त्रण गर्न ध्यानाकर्षणको लागि पत्र बुझाइएको श्रम संस्कृति पार्टी कास्कीका कार्यबाहक अध्यक्ष आशिष थापा क्षेत्री (श्याम)ले बताए। बुधबार प्रमुख जिल्ला अधिकारी समक्ष बुझाइएको ध्यानाकर्षण पत्रमा आसन्न निर्वाचन नजिकिँदै गर्दा आम जनतामा  अन्योल सिर्जना गर्ने,अराजक तथा अनैतिक गतिविधि फैलाइएकोप्रति श्रम संस्कृति पार्टीको गम्भीर आपत्ति रहेको जनाइएको छ।”यस्तो प्रवृत्ति राष्ट्र संविधान र जनतामाथिको प्रत्यक्ष आघात हो।” ध्यानाकर्षण पत्रमा भनिएको छ। निर्वाचन जनताको सार्वभौम अधिकार भएको र यसलाई कमजोर पार्ने जो कोहीलाई पनि कानुनी कारबाही गर्न तथा भयमुक्त र निष्पक्ष वातावरण बनाउन ध्यानाकर्षण गराइएको श्रम संस्कृति पार्टी कास्कीका कार्यबाहक अध्यक्ष थापाले बताए।