प्रतिभा मा. बि. का ५ बिद्यार्थिको उत्कृष्ट ४.० जिपिए

पोखरा–पाखिलेचोक स्थित प्रतिभा माध्यमिक विद्यालय का ५ जना विद्यार्थीले एसइई–२०८२ मा उत्कृष्ट ४.० जिपिए हासिल गरेका छन् । विद्यालयका प्रिन्सिपल किरण सापकोटाका अनुसार विकल्प बास्तोला, ग्लोरी राना, लक्षिता राना, प्रसन्न ढकाल र स्विकार पौडेलले उक्त सफलता प्राप्त गरेका हुन् ।

गत वर्ष विद्यालयबाट १ जनाले मात्रै ४.० जिपिए ल्याएकोमा यस वर्ष संख्या बढेर ५ पुगेको छ । यसपटक एसइईमा विद्यालयका १ सय ७ विद्यार्थी सहभागी भएका थिए । तीमध्ये ४७ जनाले ३.६ भन्दा माथि र ४५ जनाले ३.२ भन्दा माथिको जिपिए प्राप्त गरेका छन् । साथै, १४ जनाले २.८ भन्दा माथि तथा १ जनाले २.४ जिपिए ल्याएका छन् ।

विद्यालयका सबै विद्यार्थी उत्तीर्ण भएको प्रिन्सिपल सापकोटाले जानकारी दिए । उनले गुणस्तरीय शिक्षा र निरन्तर मेहनतका कारण यस वर्ष उत्साहजनक नतिजा हासिल भएको बताए । विद्यालयले कक्षा १२ को परीक्षामा समेत निरन्तर उत्कृष्ट नतिजा दिँदै आएको सापकोटाले जानकारी दिए।