यामाहा ब्लु फेस्टको अवधि थपियो!

पोखरामा यामाहा ब्लु फेस्टको अवधि थपियो, ग्राहकका लागि आकर्षक अफर र आईफोन १७ प्रो म्याक्स जित्ने अवसर
यामाहा मोटरसाइकल तथा स्कुटरहरूको मुख्य आपूर्तिकर्ता एम.ए.डब्लु राइड्स प्रालि तथा पोखराका आधिकारिक विक्रेता जी.आर.डब्लु इन्टरप्राइजेज प्रालिले सञ्चालन गरिरहेको नेपालकै ठूलो एक्सचेन्ज इभेन्ट ‘यामाहा ब्लु फेस्ट’ को अवधि ग्राहकहरूको अत्यधिक मागका कारण थप गरिएको छ। असार ३ गतेदेखि पोखरा रंगशाला गेट नं. २ को खेल मैदानमा सुरु भएको उक्त कार्यक्रम अब असार १३ गतेसम्म सञ्चालन हुने भएको छ।
कार्यक्रममा ग्राहकहरूले सर्वाधिक माइलेज दिने ७१.३३ किलोमिटर प्रतिलिटर क्षमताको रे-जेडआर स्कुटरदेखि १५५ सिसीका शक्तिशाली तथा उच्च प्रदर्शनयुक्त मोटरसाइकलका विभिन्न मोडल खरिद गर्न सक्नेछन्। यामाहाले दैनिक प्रयोगदेखि एड्भेन्चर र स्पोर्ट्स राइडका लागि उपयुक्त विभिन्न मोडलहरू उपलब्ध गराएको जनाएको छ। ब्लु फेस्टमा सहभागी ग्राहकहरूले आकर्षक नगद छुट, हाई भ्यालु एडिसन, निःशुल्क एसेसरिज प्याकेज, दुई वर्षसम्मको सवारी कर निःशुल्क तथा पाँच वर्षसम्म निःशुल्क सर्भिस सुविधा प्राप्त गर्नेछन्। साथै स्पट एक्सचेन्ज, सरल तथा सहुलियतपूर्ण ब्याजदरमा फाइनान्स र “यामाहा लैजाऔँ, घरमा नागरिकताको भरमा” जस्ता विशेष योजनाहरू पनि उपलब्ध गराइएको छ।
हरेक दिन डोर प्राइज, निःशुल्क टेस्ट राइड तथा स्लो राइड प्रतियोगिताको व्यवस्था गरिएको छ भने सहभागीहरूका लागि आकर्षक उपहारको समेत व्यवस्था गरिएको आयोजकले जनाएको छ। जुनसुकै कम्पनी तथा ब्रान्डका मोटरसाइकल वा स्कुटर एक्सचेन्ज गर्न सकिने सुविधा पनि प्रदान गरिएको छ।यामाहा ब्रान्डका सवारीसाधन साटफेर गर्दा सवारी कर क्लियर भएको अवस्थामा न्यूनतम ५० हजार रुपैयाँ मूल्यांकन गरिनेछ भने अन्य ब्रान्डका सवारीसाधनको न्यूनतम २५ हजार रुपैयाँ मूल्यांकन गरिने व्यवस्था गरिएको छ।
त्यसैगरी, बम्पर अफरअन्तर्गत एक जना भाग्यशाली ग्राहकले एप्पलको आईफोन १७ प्रो म्याक्स जित्ने अवसर पाउनेछन्। आयोजकका अनुसार ब्लु फेस्टले ग्राहकलाई नयाँ यामाहा मोटरसाइकल तथा स्कुटर खरिदमा सहज, आकर्षक र लाभदायी अवसर प्रदान गर्ने उद्देश्य राखेको छ।