‘जेन्जी आन्दोलन मुद्दा सम्बोधन दबाब समूह’ को ज्ञापनपत्र

‘जेन्जी आन्दोलन मुद्दा सम्बोधन दबाब समूह कास्कीले कास्की प्रमुख जिल्ला अधिकारी रुद्रादेवी शर्मालाई ज्ञापनपत्र बुझाएको छ। ज्ञापनपत्रमा जेन्जी आन्दोलनमा सहभागी आन्दोलनकारीहरू माथि दर्ता गरिएका मुद्दाहरू फिर्ता हुनुपर्ने र थुनामा रहेका आन्दोलनकारीहरूलाई बिना शर्त रिहा गर्नुपर्ने माग राखिएको छ। आन्दोलनका क्रममा आन्दोलनकारीहरू माथि दर्ता गरेका मुद्दाहरू अझै कायम रहनुका साथै कतिपय व्यक्तिहरू पुर्पक्षका लागि थुनामा रहनु परेको अवस्था न्यायोचित नभएको ज्ञापन पत्रमा उल्लेख गरिएको छ। समूहले राजनीतिक गतिविधिमा सहभागी नागरिकहरूलाई मुद्दा लगाई थुनामा राखिएकोमा सरकारको ध्यानाकर्षण गराएका छन्। ज्ञापनपत्रमा आन्दोलनसँग सम्बन्धित सम्पूर्ण राजनीतिक मुद्दा फिर्ता गर्न पूर्पक्षका लागि थुनामा रहेकालाई रिहा गर्न र आन्दोलनमा संलग्न नागरिकमाथि राजनीतिक वा कानुनी दबाब नपर्ने सुनिश्चिता गर्न माग गरिएको छ। नयाँ जनादेशको भावनाअनुरूप न्याय, मानवअधिकार र नागरिक स्वतन्त्रताको संरक्षण हुने विश्वासका साथ जिल्ला प्रशासन कार्यालय कास्की मार्फत गृह मन्त्रालय समक्ष पेश गरिएको समूहका सह संयोजक राजन श्रेष्ठले बताए।