लक्ष्मी माविमा अक्षयकोष स्थापना
सारांश
- पोखरा महानगरपालिका वडा नं २६ स्थित लक्ष्मी माध्यमिक विद्यालयमा स्वर्गीय आमाको ४५ औं दिनको पुण्य तिथिमा छोरा विजयेन्द्र पौडेलले रु २ लाख २२ हजार २ सय २२ को शैक्षिक अक्षय कोष स्थापना गरेका छन् ।
- स्वर्गीय आमा दुर्गा देवी पौडेलको स्मृतिमा विद्यालयमा अध्ययनरत विपन्न तथा जेहेन्दार विद्यार्थीको पढाइमा सहयोग पुगोस् भन्ने उद्देश्यले अक्षय कोष स्थापना गरेका हुन् ।
- कोषको ब्याजबाट आउने रकम विद्यालयले विपन्न तथा जेहन्दार विद्यार्थीलाई पुरस्कृत गर्ने गरी सहयोग गरिएको हो ।
पोखरा महानगरपालिका वडा नं २६ स्थित लक्ष्मी माध्यमिक विद्यालयमा स्वर्गीय आमाको ४५ औं दिनको पुण्य तिथिमा छोरा विजयेन्द्र पौडेलले रु २ लाख २२ हजार २ सय २२ को शैक्षिक अक्षय कोष स्थापना गरेका छन् ।
स्वर्गीय आमा दुर्गा देवी पौडेलको स्मृतिमा विद्यालयमा अध्ययनरत विपन्न तथा जेहेन्दार विद्यार्थीको पढाइमा सहयोग पुगोस् भन्ने उद्देश्यले अक्षय कोष स्थापना गरेका हुन् । कोषको ब्याजबाट आउने रकम विद्यालयले विपन्न तथा जेहन्दार विद्यार्थीलाई पुरस्कृत गर्ने गरी सहयोग गरिएको हो ।
शिक्षक अभिभावक सङ्घका अध्यक्ष मधुरा कुमार श्रेष्ठ र विद्यालय व्यवस्थापन समितिका सदस्यहरु, विद्यालयका शिक्षक शिक्षिकाहरू र विद्यार्थीहरू बीच सोमबार एक कार्यक्रम गरी स्वर्गीय दुर्गादेवी पौडेलका श्रीमान विष्णुप्रसाद पौडेलले छोरा विजयेन्द्र पौडेल, बुहारी पुष्पाञ्जली बराल,छोरीहरू इन्दु अधिकारी, तिर्सना पौडेल र सुस्मिता पौडेल लगायत परिवारसहित चेक रकम हस्तान्तरण गर्नुभएको थियो। स्वर्गीय दुर्गादेवी पौडेल तथा उहाँको परिवारबाट सो विद्यालयको भौतिक तथा शैक्षिक उन्नतिका लागि विभिन्न समयमा सहयोग रहँदै आएको थियो ।
त्यसैगरी सोमबार नै परिवारको तर्फबाट पोखरा महानगरपालिका वडा नम्बर २७ साहेलापाखामा रहेको श्रीकृष्ण प्रणामी मन्दिर वृद्ध तथा बाल आश्रम सेवा समितिमा समेत खाद्यान्न सामग्रीहरू हस्तान्तरण गरिएको थियो ।
सम्बन्धित खबर
प्रतिक्रिया