फोहोर व्यवस्थापन कार्यक्रम आयोजना
सारांश
- पोखरा महानगरपालिका–११ अन्तर्गत मणिपाल अस्पताल तल (भलाम जाने बाटोमा) क्षेत्रमा सरसफाइ तथा फोहोर व्यवस्थापन सम्बन्धी जनचेतना अभिवृद्धि गर्ने उद्देश्यले “सरसफाइ तथा फोहोर व्यवस्थापन कार्यक्रम” आयोजना गरिने भएको छ।
- फोहोर व्यवस्थापन अभियान पोखरा, मणिपाल शाखाको आयोजनामा सम्पन्न हुने उक्त कार्यक्रम २०८३ साल जेठ ९ गते शनिबार बिहान ७ बजेदेखि सञ्चालन हुनेछ।
- कार्यक्रममा स्थानीय बासिन्दा, युवाहरू, सामाजिक अभियन्ता तथा विभिन्न संघसंस्थाका प्रतिनिधिहरूको सक्रिय सहभागिता रहने अपेक्षा गरिएको आयोजकले जनाएको छ।
पोखरा महानगरपालिका–११ अन्तर्गत मणिपाल अस्पताल तल (भलाम जाने बाटोमा) क्षेत्रमा सरसफाइ तथा फोहोर व्यवस्थापन सम्बन्धी जनचेतना अभिवृद्धि गर्ने उद्देश्यले “सरसफाइ तथा फोहोर व्यवस्थापन कार्यक्रम” आयोजना गरिने भएको छ।
फोहोर व्यवस्थापन अभियान पोखरा, मणिपाल शाखाको आयोजनामा सम्पन्न हुने उक्त कार्यक्रम २०८३ साल जेठ ९ गते शनिबार बिहान ७ बजेदेखि सञ्चालन हुनेछ। कार्यक्रममा स्थानीय बासिन्दा, युवाहरू, सामाजिक अभियन्ता तथा विभिन्न संघसंस्थाका प्रतिनिधिहरूको सक्रिय सहभागिता रहने अपेक्षा गरिएको आयोजकले जनाएको छ।
कार्यक्रममार्फत सडक, सार्वजनिक स्थल तथा वरपरका क्षेत्रहरूको सरसफाइ गर्नुका साथै फोहोरको उचित व्यवस्थापन, वातावरण संरक्षण तथा स्वच्छ समाज निर्माणका विषयमा जनचेतना फैलाइनेछ। “स्वच्छ वातावरण, स्वस्थ समाज” भन्ने मूल नारालाई आत्मसात गर्दै आयोजना गरिएको यस अभियानले समुदायस्तरमा सकारात्मक सन्देश प्रवाह गर्ने विश्वास लिइएको छ।
आयोजक संस्थाले सम्पूर्ण स्थानीयवासी, संघसंस्था, विद्यार्थी, युवा तथा वातावरण संरक्षणमा चासो राख्ने सबैलाई कार्यक्रममा सहभागी भई अभियानलाई सफल बनाउन हार्दिक अनुरोध गरेको छ।
सम्बन्धित खबर
प्रतिक्रिया